حدیث
قال الحاكم حدثنا بكر بن محمد الصيرفي حدثنا عبيد الله بن عبد الله النيسابوري حدثنا عبد الوهاب بن الضحاك حدثني بقية بن الوليد حدثنا سعيد بن عمارة حدثنا الحارث بن النعمان سمعت أنس بن مالك رضي الله عنه يقول قال رسول الله صلى الله عليه وسلم:
سعة في الرزق وردع سيئة الشيطان الوضوء قبل الطعام وبعده
ترجمہ
سیدنا انس بن مالک رضی اللہ عنہ کہتے ہیں کہ نبی کریم صلی اللہ علیہ وسلم نے فرمایا:
کھانے سے پہلے اور بعد میں وضو کرنا رزق میں کشادگی کرتا اور شیطان کو دور کرتا ہے۔
تخریج
- زھر الفردوس 5/99، 100
تحقیق
وسندہ موضوع۔
سند میں درج ذیل علتیں ہیں:
-
حارث بن نعمان بن سالم ضعیف راوی ہے (تقریب التھذیب 1/178)
-
سعید بن عمارة بھی ضعیف راوی ہے (تقریب التھذیب 1/360)
-
بقیہ بن ولید مدلس راوی ہے اور تدلیس تسویہ کرتا تھا، سماع مسلسل کا ہونا ضروری ہوتا ہے ایسے راوی کے لیے۔
تنبیہ: بقیہ بن ولید سے جب حمصی راوی روایت کرے تو روایت باطل ہوتی ہے اور یہ روایت حمصی راوی ہی روایت کرتا ہے۔
-
عبد الوھاب بن الضحاک الحمصی کذاب ومتروک راوی ہے۔ درج ذیل محدثین نے جرح کی ہے:
- امام عقیلی رحمہ اللہ: متروک الحدیث (الضعفاء الکبیر للعقیلی 3/78)
- امام بخاری رحمہ اللہ: عندہ عجائب (تاریخ الکبیر للبخاری 6/100)
- امام ابو حاتم رحمہ اللہ: کذاب (الجرح والتعدیل لابن ابی حاتم 6/74)
- امام نسائی، امام ابن حبان، امام دارقطنی، امام ابو نعیم، علامہ ابن جوزی، امام ذھبی، امام ابن عدی، جورقانی، حافظ ابن حجر عسقلانی وغیرہ نے بھی جرح کی ہے۔
لھذا روایت موضوع ہے۔
ھذا ما عندی واللہ اعلم باالصواب۔
قدوسی ریسرچ سینٹر