حدیث
حدثنا سلمة بن شبيب حدثنا المقرئ عن حيوة بن شريح عن بكر بن عمرو عن مشرح بن هاعان عن عقبة بن عامر قال قال رسول اللّٰه صلى اللّٰه عليه وسلم لو كان بعدي نبي لكان عمر بن الخطاب
ترجمہ
سیدنا عقبہ بن عامر رضی اللّٰه عنہ کہتے ہیں کہ رسول اللّٰه صلی اللّٰه علیہ وسلم نے فرمایا: اگر میرے بعد کوئی نبی ہوتا تو وہ عمر بن خطاب رضی اللّٰه عنہ ہوتے۔
تخریج الحدیث
- سنن ترمذی رقم الحدیث 3686
- مسند احمد رقم الحدیث 17405
- فضائل الصحابہ لاحمد بن حنبل رقم الحدیث 519، 694
- مسند الرویانی رقم الحدیث 223
- المجالسۃ وجواھر العلم للدینوری رقم الحدیث 217
- المعجم الکبیر للطبرانی رقم الحدیث 822
- جزء الالف دینار للقطیعی رقم الحدیث 199
- الشریعہ للاجری رقم الحدیث 1203، 1371، 1372، 1373
- شرح مذاھب اھل السنۃ لابن شاھین رقم الحدیث 140
- امالی ابن سمعون الواعظ رقم الحدیث 61
- مستدرک حاکم رقم الحدیث 4495
- شرح اصول اعتقاد اھل السنۃ والجماعہ رقم الحدیث 2491
- فضائل الخلفاء الراشدین لابی نعیم الاصبھانی رقم الحدیث 86
- المدخل الی السنن الکبری للبیہقی رقم الحدیث 65
- معجم ابن عساکر رقم الحدیث 1168
- معجم الصحابہ للبغوی رقم الحدیث 1765
- المعرفۃ والتاریخ للفسوی 1/462، 2/500
تحقیق
میں نے جو حوالے لکھے ہیں، یہ مشرح بن ھاعان عن عقبہ بن عامر کی سند سے ہیں۔
اس سند میں اختلاف ہے۔ امام احمد بن حنبل رحمہ اللّٰه سے اس روایت کے متعلق پوچھا گیا، تو امام احمد بن حنبل رحمہ اللّٰه نے کہا: میرے نزدیک یہ روایت منکر ہے۔
امام ابن حبان رحمہ اللّٰه نے کہا: مشرح بن ھاعان کنیتہ ابو مصعب عدادہ فی اھل مصر یروی عن عقبہ بن عامر احادیث مناکیر لا یتابع علیھا روی عنہ بن لھیعہ۔۔۔الخ
یہ خاص جرح ہے: مشرح بن ھاعان کی عقبہ بن عامر سے روایت منکر ہوتی ہے (المجروحین لابن حبان 3/28)
اس روایت کی اور سندیں بھی ہیں جن پر امام ابن عدی رحمہ اللّٰه وغیرہ نے جرح کی ہے، اور بعض جگہ ابن لھیعہ بھی ہے۔ لہذا یہ روایت ثابت نہیں ہے۔
تنبیہ
سیدنا عمر فاروق رضی اللّٰه عنہ کے فضائل و مناقب بیشمار صحیح احادیث میں وارد ہوئے ہیں۔
ھذا ما عندی واللّٰه اعلم باالصواب
قدوسی ریسرچ سینٹر