رجب کی فضیلت پر پیش کی گئی روایت کی تحقیق

حدیث

حدثنا عبد الله حدثنا عبيد الله بن عمر عن زائدة بن أبي الرقاد عن زياد النميري عن أنس بن مالك قال كان النبي صلى الله عليه وسلم إذا دخل رجب قال اللهم بارك لنا في رجب وشعبان وبارك لنا في رمضان وكان يقول ليلة الجمعة غراء ويومها أزهر

ترجمہ

انس رضی الله عنہ بیان کرتے ہیں جب ماہ رجب شروع ہوتا تو رسول اللہ صلی اللہ علیہ وسلم دعا فرماتے: اے اللہ ہمارے لیے رجب و شعبان میں برکت فرما اور ہمیں رمضان تک پہنچا۔ اور آپ صلی اللہ علیہ وسلم فرمایا کرتے تھے: جمعہ کی رات چمک دار رات ہے اور جمعہ کا دن ترو تازہ دن ہے۔

تخریج الحدیث

مسند احمد رقم الحدیث 2346

مسند البزار البحر الزخار رقم الحدیث 6496

الدعاء للطبرانی رقم الحدیث 911

المعجم الاوسط للطبرانی رقم الحدیث 3939

عمل الیوم واللیلۃ لابن السنی رقم الحدیث 659

الدعوات الکبیر للبیہقی رقم الحدیث 529

شعب الایمان للبیہقی رقم الحدیث 3534

فضائل الاوقات للبیہقی رقم الحدیث 14

معجم ابن عساکر رقم الحدیث 309

تحقیق الحدیث

وسندہ ضعیف جدا

سند میں زائدۃ بن ابی الرقاد اور زیاد النمیری دونو پر محدثین نے جرح کی ہے۔

زائدۃ بن ابی الرقاد پر امام بخاری رحمہ الله اور امام نسائی رحمہ اللہ وغیرہ نے جرح کی ہے۔

امام ذھبی رحمہ الله نے زائدۃ بن ابی الرقاد کے ترجمے میں یہ روایت نقل کی ہے اور زائدہ کو ضعیف کہا ہے اور زیاد کو بھی ضعیف کہا ہے۔

اور زیاد النمیری پر بھی محدثین نے جرح کی ہے۔ امام یحیی بن معین رحمہ الله وغیرہ کی جرح کتب الرجال میں دیکھی جا سکتی ہے۔

ھذا ما عندی واللہ اعلم باالصواب

قدوسی ریسرچ سینٹر