حدیث
حدثنا أبو سعيد الأشج حدثنا تليد بن سليمان عن أبي الجحاف عن عطية عن أبي سعيد الخدري قال قال رسول الله صلى الله عليه وسلم:
ما من نبي إلا له وزيران من أهل السماء ووزيران من أهل الأرض فأما وزيراي من أهل السماء فجبريل وميكائيل وأما وزيراي من أهل الأرض فأبو بكر وعمر
ترجمہ
سیدنا ابو سعید خدری رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا:
کوئی نبی ایسا نہیں جس کے دو وزیر آسمان والوں میں سے نہ ہوں اور دو وزیر زمین والوں میں سے نہ ہوں۔ رہے میرے دو وزیر آسمان والوں میں سے تو وہ جبریل، میکائیل علہیما السلام ہیں اور زمین والوں میں سے میرے دو وزیر ابو بکر اور عمر رضی اللہ عنھما ہیں۔
تخریج
- سنن ترمذی رقم الحدیث 3680
- الشریعہ للاجری رقم الحدیث 1326
- فضائل الصحابہ لاحمد بن حنبل رقم الحدیث 152
تحقیق
وسندہ ضعیف۔
- سند میں تلید بن سلیمان ضعیف راوی ہے۔
- اور دوسرا عطیہ عوفی ضعیف ومدلس راوی ہے۔
اس روایت کی اور سندیں بھی آتی ہیں مثلا:
- فضائل الصحابہ لاحمد بن حنبل رقم الحدیث 668
- الشریعہ للاجری رقم الحدیث 1327
- معجم ابن عساکر رقم الحدیث 834 وغیرہ
لیکن کوئی بھی سند صحیح وحسن نہیں ہے۔ اس بارے امام ابن عدی کی الکامل وغیرہ بھی دیکھی جا سکتی ہیں۔
ھذا ما عندی واللہ اعلم باالصواب۔
قدوسی ریسرچ سینٹر