حدیث
حدثنا عبدة بن عبد اللّٰه الخزاعي ومحمد بن عبد الملك أبو بكر قالا حدثنا يزيد بن هارون قال أنبانا حجاج عن يحيى بن أبي كثير عن عروة عن عائشة قالت فقدت النبي صلى اللّٰه عليه وسلم ذات ليلة فخرجت أطلبه فإذا هو بالبقيع رافع رأسه إلى السماء
فقال يا عائشة أكنت تخافين أن يحيف اللّٰه عليك ورسوله
قالت قد قلت وما بي ذلك ولكني ظننت أنك أتيت بعض نسائك
فقال
إن اللّٰه تعالى ينزل ليلة النصف من شعبان إلى السماء الدنيا فيغفر لأكثر من عدد شعر غنم كلب
ترجمہ
حضرت عائشہ صدیقہ رضی اللّٰه عنہا سے روایت ہے: ایک رات میں نے رسول اللّٰه صلی اللّٰه علیہ وسلم کو گھر میں نہ پایا، میں آپ کی تلاش میں نکلی تو دیکھا کہ آپ بقیع میں ہیں اور آپ نے آسمان کی طرف سر اٹھایا ہوا ہے۔
جب مجھے دیکھا تو فرمایا: عائشہ کیا تجھے یہ ڈر تھا کہ اللّٰه اور اس کا رسول تجھ پر ظلم کریں گے؟
عائشہ رضی اللّٰه عنہا کہتی ہیں کہ میں نے عرض کیا مجھے یہ خوف تو نہیں تھا لیکن میں نے سوچا کہ آپ کسی دوسری بیوی کے پاس تشریف لے گئے ہیں۔
تو آپ نے فرمایا:
اللّٰه تعالیٰ نصف شعبان کو آسمان دنیا پر نزول فرماتا ہے اور بنو کلب کی بکریوں کے بالوں سے زیادہ لوگوں کو معاف فرمادیتا ہے۔
تخریج
- سنن ابن ماجہ رقم الحدیث 1389
- سنن ترمذی رقم الحدیث 739
- مسند احمد رقم الحدیث 26018
- مسند عبد بن حمید رقم الحدیث 1509
- مسند اسحاق بن راھویہ رقم الحدیث 850،1700،1701
- اخبار مکہ للفاکھی رقم الحدیث 1839
- شعب الایمان للبیہقی رقم الحدیث 3543،3544،3545
- فضائل الاوقات للبیہقی رقم الحدیث 28
تحقیق
وسندہ ضعیف۔
امام ترمذی رحمہ اللّٰه نے کہا کہ حدیث عائشہ کو ہم اسی سند سے جانتے ہیں اور محمد بن اسماعیل سے سنا وہ اس حدیث کو ضعیف کہتے تھے۔
یحیی بن ابی کثیر نے عروہ سے نہیں سنا اور حجاج بن ارطاۃ نے یحیی بن ابی کثیر سے نہیں سنا۔
امام بیہقی رحمہ اللّٰه نے اس روایت کو مرسل کہا ہے۔
امام دارقطنی رحمہ اللّٰه نے کہا
واسناد الحدیث مضطرب غیر ثابت
(العلل للدارقطنی رقم الحدیث 3573)
یہ روایت درج ذیل آئمہ کرام رحمہم اللّٰه کے نزدیک ضعیف غیر ثابت ہے:
- امام بخاری رحمہ اللہ
- امام ترمذی رحمہ اللہ
- امام دارقطنی رحمہ اللہ
- امام بیہقی رحمہ اللہ
- علامہ ابن جوزی رحمہ اللہ
امام دارقطنی رحمہ اللّٰه نے النزول رقم الحدیث 92 پر سلیمان بن ابی کریمہ کی سند سے روایت نقل کی ہے، وہ بھی صحیح نہیں ہے۔
امام ابن عدی رحمہ اللّٰه نے کہا:
وعامۃ احادیثہ مناکیر
(الکامل لابن عدی 4/250)
امام ابو حاتم رحمہ اللّٰه نے سلیمان بن ابی کریمہ کو ضعیف الحدیث کہا ہے (الجرح والتعدیل لابن ابی حاتم 4/138 ترجمہ ورقم 605)
ھذا ما عندی واللّٰه اعلم باالصواب
قدوسی ریسرچ سینٹر